29 September 2009

Шеваҳои нави издивоҷ, суд ва зиёни онҳо

Ҳарчанд дар чомеаи падарсолори Точикистон анъанаву суннатҳои қадимии издивоҷ побарҷост, аммо шакл ва шеваҳои гуногуни он дар ҳоли ҷойгирӣ мебошанд.

Яке аз роҳҳои нави издивоҷ, ки акнун кам - кам мавқеи худро дар ҷомеаи тоҷик мустаҳкам мекунад ва занону духтарон ҳам бе ҳеҷ дудилагӣ ва ё тарсе ба сӯ он бардам қадам мегузоранд, ба хориҷиён ба шавҳар баромадан аст.

Сарнагунии Шуравӣ, ҷанги шаҳрвандӣ, кушода шудани сарҳадҳо, бесарусамонӣ дар соҳаҳои иқтисодӣ ва иҷтимоии кишвар, ворид шудани озодиҳои бештар, боиси пайдоиши чунин услуби заношуӣ дар Тоҷикистон шудааст.

Ва имрӯз сафи занон ва духтароне, ки чунин шеваи заношӯиро ихтиёр мекунанд, афзоиш меёбад ва касе ҳам наметавонад онҳоро сарзаниш кунад. Чун далелу баҳонаҳо доранд ва хешро ҳақ медонанд.

Ба гуфтаи ҷонишини шӯъбаи ақди никоҳи вилояти Суғд Муқаддама Ҳошимова танҳо дар 7 моҳи соли равон дар ноҳияи Спитамени ин вилоят 37 нафар ба мардони хориҷй ақди никоҳ кардаанд. Дар сартосари вилояти Суғд дар 7 моҳи соли ҷорӣ 196 кас ба хориҷиён расидаанд, яъне шӯи хориҷӣ кардаанд.

Нахуст, агар занону духтарони тоҷик ба мардони бегонаи даруни кишвар мерасиданд, рафта - рафта ин шева дигаргун мешавад, ҳоло онҳо метавонанд, мардҳои хориҷиро аз рӯи хости дилашон интихоб кунанд ва ба шавҳар бароянд.

Ин имкониятро ба онҳо саҳифаҳоии интернетии ошноӣ ва чат, ки ҳоло шумораашон дар Тоҷикистон ба беш аз 25 адад расидааст ва намояндагиҳои чунин ширкатҳо дар дохили кишвар, фароҳам овардаанд. Занону духтарон метавонанд бо истифода аз хизматрасонии ин саҳифаҳо ва намояндагии онҳо ба худ номзад ва ё шавҳар ёбанд.

Аммо чунин шеваи издивоҷ дуруст ва кор бурдан аз хизмати сайтҳои ошноии интернетӣ ва намояндагии онҳо дар кишвар ба нафъи кор аст?

Шояд, барои пуркардани ҷои мардоне ки дар чанги шаҳрвандӣ шумораашон коҳиш ёфтааст кӯмак расонад. Ба бонувоне ки сарашон банди кору мақом (карера) монду дар вақташ шӯ накарданд, ё ба ҷавонону духтароне, ки дар кишварҳои Ғарбӣ зиндагӣ ва таҳсил мекунанд барои ёфтани ҳамсафари ҳаётӣ ва ё нимаи хеш, ёрие расонад.

Аммо ба ақидаи дугонаҳо ва дӯстони ман ки берун аз меҳан зиндагӣ доранд ва ҳам чанд нафарашон шавҳарони бегона кардаанд, чунин тарзи издивоҷ касеро хушбахт нахоҳад кард. Муқаддама Ҳошимова ҷонишини шӯъбаи ақди никоҳи вилояти Суғд низ ба ин андеша аст.

Аз гузориши Муқаддама Ҳошимова бармеояд, ки ин намуди издивоҷ асари манфӣ дошта, нияти бархе аз кормандони чунин шабакаҳои хизматрасонӣ нек нест. Рафтор ва амали онҳо ғаразомез аст.

Муқаддама мегӯяд, "ба вижа шумораи зиёди афроде, ки бо созмонҳои хориҷии издивоҷи занон ҳамкорӣ мекунанд ва аз он созмонҳо даромад мегиранд ба занон барои зуд ба даст овардани шаҳрвандии Туркия ёрӣ мерасонанд. Агар дар вақташ чораҳои зарурӣ андешида нашаванд теъдоди чунин ҳодисаҳо ба садҳо ҳазор хоҳад расид ва ин ба сохтори аҳолии кишвар таъсир мерасонад ва умеди интихобро аз байн мебарад, ҳол он ки аз таҳдидҳо ба анъанаҳои ахлоқии маҳаллӣ ва зиндагии хонаводагӣ ҳам ҷои гап нест."

Дар омади гап бояд бигӯям, ки ахиран нуфузи Туркия дар шимоли кишвар, ба вижа дар шаҳри Хуҷанд афзудааст. Мақсад ва нишони ин нуфузгароӣ чист ба ҳама аён аст ва ҳоҷат ба баён нест. Аммо ин нуфузгароӣ бояд боиси дилхавотирӣ бошад.

Дар мавриди шеваҳои нави заношӯӣ гуфтаниам, ки имрӯз дар Тоҷикистон озодиҳои бештаре мавҷуданд барои дунбол кардани достонҳои ишқу ошиқӣ, аммо бояд фаромӯш накард, ки ҳар озодӣ бо хатаре меояд.

Бархе шояд хоҳанд гуфт, ки ишқу издивоҷ кори хусусист ва агар духтарони мо ба хориҷиҳо мерасанд, аз рӯи ишқ аст. Вале ҳомиёни чунин ақида оё ҳайрон намешаванд, ин чӣ хел ишқ будааст, ки бо зиёд шудани хитоиҳо дар ин ё он минтақаи кишвар издивоҷ бо хитоиҳо яку якбора зиёд шуда меравад? Ё вақте уйғурҳо бозорҳои чаканаи ин ё он ноҳияро, ки зери даст карданд, якбора никоҳи духтарони он маҳал бо уйғурҳо ба маротиб афзун гашт? Баъзе духтарон ҳанӯз шавҳари ояндаи худро вонахӯрда мегӯянд, ки мехоҳанд, бо ягон хориҷӣ издивоҷ кунанд. Куҷои ин ишқ аст?

Набудани тасаллут ба нафс ва таъсири ҷомеае, ки арзишҳои ахлоқиаш дар ҳоли заволанд, як бӯҳрони амиқи нангу номусро ба миён оварда, ба женетикаи наслҳои оянда таҳдид мекунад. Интихоби ғалат ва нестии ишқи ҳақиқй боиси захмҳои отифӣ ва зода шудани фарзандони бидуни меҳр ва набудани тафоҳуму азҳампошии хонавода аст. Пайванди бомуҳаббати ду нафар дар рушд ва нигоҳдоштани наслҳои ояндаи як хонавода ва миллат саҳмгузоранд.

13 comments:

Anonymous said...

Haqiqatro gufti, borakolloh!

Anonymous said...

Намедонам, ба духтари точик чи бало расидааст. Аз хитои чи мебинад? Як рохзан, дар миёни рох зиндаги мекунад, точик духтарашро ба хамон медихад, он духтар миёни чанд хитои зиндаги дорад. Вой бар холат эй миллати ман!!!!!!!!!!!!!!!!

Anonymous said...

Bonu aziz
Dar borai izdivoj in kori shakhsi har yak nafar ast
Vale dar jomeai mardsolori mo Mardho Padarho tasmim megirand 99.9% na dukhtarho bo khosti khud .
Pas ki gunahkor ast ?
Man khonavodahoi beshumore medonam ki bo khudi izdivoj kardan va bovar kun ki badbakhtand Fikr mekunam khudat holo javoni izdivoj nakardi nachashidi zakhmi dastu ,poyu, nishi zabonro
Shakhsan fikr mekunam ba izdivoj na az nazari khudivu begonagi balki az nigohi insoniyati shakhs nazar kard .
Muvafaqiyat va andesha boz khohonam
mahin

hosein_iran said...

salam bar to ey banoo parsi
omidvaram hamisha sarboland va pirooz bashi

Anonymous said...

Sipos az intikhobi mavzui "jolib" Bo vujudi in ki mardumi mo ma'mulan dar borai masoili mukhtalif nazare nadorand, yo ibrozi nazar namekunand, dar robita ba in ki dukhtari tojik boyad bo ki va chi guna izdivoj kunad HAMA nazar dorad.

Ittifoghan, dar jomea mo hama chizi marbut ba zindagii zanho, ki boyad chi tavr boshad, chi tavr gardad, chi khurad, chi nakhurad, chi pushadu napushad - hama nazar dorand. In mavu hamesha ba istiloh "dogh" ast. Hama mavzuho mondaand kanor, dar masjidu, khonavu, korkhona hama ba dukhtarho yod medihand ki chi kor boyad kunand. Holo injuo ham ba joi on dukhtar mekhohem tasmim bigirem, va hukm barorem, ki chi durust hast?!

Ba'dan mekhoham savol kunam, oyo vaqte dukhtari tojik bo tojiki KHUDASH izdivoj mekunad, oyo hamesha mavzui ishgh onjo matrah hast??? Pas charo holo in ki vay khitoiro dust dosht yo nadosht in qadar baroi mo muhim shudaast? Na tojikro dust medorad, na khitoiro. Charo ki namedonand ishgh yane chi. Az kujo fahmad? Okhir oshighi ham be ogohii akalan nisbi, oshighi nametavonad boshad.

Mavzu in ast ki dukhtarro jon ba lab meorand ki BOYAD shavhar kunad, va baroyash muhim nest ki ki hast shavharash. 'Qurboqa shu dorad, obru dorad!' in ast falsafai onho. va agar khoriji hastu uro az bandi qoidahoi tojikii nafasgirkunanda berun orad, chi behtar!!

shalchi said...

xayr ast...
mo khostim zani tojik gerim, ki ro boyad benim?

shaalchy.persianblog.ir

Anonymous said...

Charo sukut?

Anonymous said...

Banoui mohtaram. Charo sukut mevarzid? Magar msuhkiloti zanoni Tojikeston hal shude?

sim11348@yahoo.com said...

ман як Эроне хастам ки дар донишгохи давлатии дарс мехонам ва кишвари шуморо дуст дорам. агар шуморае телефонро бидахи дар сафари баъд бо шумо ошно мешавамю.

sim11348@yahoo.com said...

ман як Эроне хастам ки дар донишгохи давлатии дарс мехонам ва кишвари шуморо дуст дорам. агар шуморае телефонро бидахи дар сафари баъд бо шумо ошно мешавамю.

Anonymous said...

Salom, voqean fikrho dar in mavzu bisyor mukhtalifand. Vale ba andeshai man mavzue nest,ki mo bongi khatar zanemu nigaroni kunem. Dar jomeai imruzi mo,ki gufta meshavad bar sari yak pisar 7 dukhtar rost meoyad, zan mardum bisyor beqadr shudaast makhsusan dar mavridi izdivoj. Tabiist,ki har dukhtar bo oruzhoi ziyod ba shavhar mebaroyad va qabl az hama mekhohad khushbakht boshad na in,ki shavhar kunadu baad az yak ruzi tuy uro tanho guzoshta, baroi chandin sol rohi russiyaro pesh girand. Az in jihat shoyad mehohand bigzor khoriji boshad vale shavhari khub kunand, oilai khub doshta boshad va fardo bo 5-6 kudak dar nimaroh namonad. Man fikr mekunam izdivoj bo yak nafari gayrtojik behtar az on ast,ki zani 3 yo 4 umi kadom mardi 40 50 sol buzurgtar va boisi badbakhtii yak khonavodai digar shavand. Vale albatta qabl az izdivoj boyad khub omukht hamdigarro, to ki fireb nakhurdand.

Boqi KHudo hofiz

One Scrappy Chic said...

Два свидетеля Откровения 11 и Исаия 44 были найдены!
Посетите http://www.wefoundthem.org просить вашей бесплатной информации
пакет со всеми фактами и подробностями. Не откладывайте, ваш
Спасение от этого зависит! Вы можете также посетить нас на
http://tinyurl.com/48lmvld, вид наших Добро пожаловать информация и LIKE
нашу страницу и помочь нам распространить слово!

رسول امینی - rasool amini said...

salam
man irani hastam
ahleh khorasan hastam
be web man ham sar be-zanid
www,aryantajik.rzb.ir
www.j-iranzamin.rzb.ir

khoda hafez
man montazer shoma hastam